Өнөөдөр Монгол төрийн уртын дуу бүтээлийг Монгол төрийн түүхийн музейд залах ёслол болно.

Сонирхуулахад, “Монгол төрийн уртын дуу"-г анх 2001 онд сэдэж, айзам уртын дууны үгийг бүрэн эхээр нь дуулах оролдлого эхэлжээ. “Монгол төрийн уртын дуу”-нд “Эртний сайхан”, “Түмэн эх”, “Хуур магнай”, “Дуртмал сайхан”, “Хэрлэнгийн бараа” /баръяа/, “Их замбуутивийн наран”, “Асарын өндөр”, “Эрхэм төр”, “Энх мэндийн баяр” зэрэг Монголын төрт ёсны уламжлалтай хамаарал бүхий есөн дууг багтаасан байна.