20 орчим жилийн өмнө Миннесотагийн музейгээс хулгайлагдсан Жуди Гарландын "The Wizard of Oz" киноны бадмаараг шаахай бямба гарагт дуудлага худалдаагаар 32.5 сая ам.доллараар зарагджээ.

Гарландын уг кинонд өмссөн хос шаахай нь "Heritage Auctions"-ийн мэдээлснээр дуудлага худалдаагаар зарагдсан хамгийн үнэ цэнэтэй кино урлагийн дурсгал боллоо. 

"Heritage Auctions" компанийн гүйцэтгэх дэд ерөнхийлөгч Жо Маддалена "Жуди Гарландын бадмаараг шаахай болон Холливудын дурсгалт зүйлсийн хооронд ямар ч харьцуулалт байхгүй. Киноны дурсгалт зүйлс нь манай соёл, цуглуулагчдын хувьд хэчнээн чухал болохыг энэ үйл явдлаас харж байна" гэжээ.

Дуудлага худалдааны төвийнхөн уг шаахайг анх 3 сая ам.долларын үнэд хүрнэ гэж тооцож байв. Гэвч 32.5 сая доллар болсон нь анх үнэлснээс 11 дахин их тоо юм.

"The Wizard of Oz" кино нь 1939 онд Метро-Голдвин-Майер (MGM) -ийн бүтээсэн Америкийн хөгжмийн зөгнөлт кино юм. 1900 онд Л.Фрэнк Баумын бичсэн "Озийн гайхамшигт шидтэн" романаас сэдэвлэсэн уг зохиолыг Виктор Флеминг найруулжээ.

Л.Баяр